Зачленете се во нашиот клуб на читатели и најновите текстови ќе ги добивате на вашата мејл адреса
Во фоаето на Центарот за култура „Трајко Прокопиев“ Куманово, утре во 19 часот ќе се одржи промоција на дел од творештвото на мотивациските автори Коста Петров, Илина Ведран и Катерина Ангеловска.
Коста Петров е автор на книгите „Се гледаме на врвот“, „Стравот“, „Нашето последно кафе“ и „Никој не рече дека ќе биде лесно“, кои се продадени во над 30.000 примероци. За својот придонес во индустријата на настани и медиуми двапати се најде на листата на 30 највлијателни луѓе во својата дејност во Југоисточна Европа според „Kongres Magazine“.
Илина Ведран е инспирациски говорник, тренер за личен и професионален развој и првиот лиценциран тренер во Македонија по методата на Лујза Хеј. Автор е на две дела – инспиративниот водич за лична промена „Заврти нова страница во својот живот“ и книгата со афирмации „Јас сум љубов“.
Катерина Ангеловска, авторката на книгата „333 Афирмации“, е Амбасадор на позитивната мисла. Таа е прв сертифициран тренер за личен развој според програмата на Џек Кенфилд и мотивациски говорник, но и целосно е посветена на мотивирање и инспирирање на денешните генерации со цел да станат творци на својот живот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk