МТСП:Децата во градинките ќе се згрижуваат согласно потребите на родителите

 По информациите дека во одредени детски градинки родителите се анкетираат дали нивното дете ќе престојува во прва или втора смена од 7:00 до 14:30 или од 14:30 до 21:30, од Министерството за труд и социјална политика велат дека распоредот на новото работно време е за вработените, а не за децата.

„Наведеното работно време се однесува само на вработените во установите кои треба да ја применат одлуката на Владата, а не и на времето за престој на децата во градинки .  Децата ќе се згрижуваат во текот на денот согласно со потребите на родителите.  Двосменското работење подразбира дека опфатот и згружавањето на децата ќе биде како и до сега од 5:30 часот наутро до 22:00 часот навечер, како и во првата сабота во месецот“, - соопштуваат од МТСП.

 Од таму апелираат до вработените и директорите на детските градинки да не ги манипулираат родителите и да не ги ограничуваат со стриктно временско згрижување на децата.

„Директорите се задолжени од страна на МТСП да ја спроведат одлуката на Владата и согласно истата и потребите на родителите да го организираат работењето на установата, - велат од Министерството.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk