МВР ќе трага по 60-годишната жена што исчезна откако и изгоре куќата во Челопек

Не се најдени траги од починато лице во куќата што изгоре во селото Челопек, Општина Старо Нагоричане, во која се претпоставуваше дека останала 60-годишната жена.

„Министерството за внатрешни работи согласно законските прописи постапува по насока на Јавен обвинител, па во координација со Јавен обвинител од ОЈО Куманово, полициски службеници извршија детален увид на местото на опожарената куќа во Старо Нагоричане. Откако не се пронајдени остатоци кои укажуваат на опожарено лице, распишана е потрага по лицето, по која веќе се постапува од страна на Отсекот за потраги“, велат од МВР.

На вчерашната прес-конференција и директорот на Центарот за управување со кризи (ЦУК) Стојанче Ангелов кажа дека починала жена во пожарот во Старо Нагоричане и изрази сочуство за семејството.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk