На „Октомвриска“ автомобил удрил во жардиниера, па се превртел на кров

 Пасат со кумановски регистерски таблички, вчера попладне удрил во жардиниера и се превртел на кров, на булеварот „Октомвриска револуција“, во близина на зеленото пазарче.

Од МВР велат дека возачот бил сам во автомобилот и се здобил со лесни телесни повреди.

„Несреќата се случила во 19.15 часот, на раскрсницата на улиците „Октомвриска револуција“ и „Иво Лола Рибар“, кога пасат со кумановски таблички излетал од коловозот и удрил во жардиниера“, - велат од МВР.

Увид на лице место извршила увидна екипа од СВР Куманово, по што ќе се знаат причините за сообраќајката.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk