На скопскиот аерoдром од денеска до ноември три часа порано за чекирање на багажот

Патниците кои ќе ги користат авионските услуги на Меѓународниот аеродром Скопје, од  денеска до крајот на ноември треба да пристигнат три часа пред летот за да го чекираат багажот. 

Од „ТАВ Македонија“ во петокот информираа дека авиокомпанијата ќе врши надградба на системот за багаж.

„Почнувајќи од 9-ти октомври понеделник, па до крајот на ноември 2023 година, односно во период од два месеци, на Меѓународниот аеродром Скопје ќе се врши надградба на системот за ракување со багаж. Затоа, апелираме до сите вас коишто ќе патувате во наведениот временски период преку Меѓународниот аеродром Скопје, да пристигнувате на аеродромот, односно на шалтерите за пријавување патници и багаж, три часа пред планираното време на полетување на вашиот лет“, стои во соопштението. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk