Зачленете се во нашиот клуб на читатели и најновите текстови ќе ги добивате на вашата мејл адреса
Во средните училишта во Куманово има 2554 слободни места за упис во прва година во учебната 2015/2016 година, додека во општина Липково 136 слободни места.
Во Гимназијата “Гоце Делчев“ 374 ученици можат да се запишат во 11 паралелки на македонски и една на српски јазик. Во Гимназија “Сами Фрашери“ има 272 места за формирање на 8 паралелки на албански наставен јазик. Во Земјоделското “Киро Бурназ“ со конкурсот се предвидени 510 места од кои 11 паралелки ќе учат на македонски и 4 на албански наставен јазик. Во “Перо Наков“ има место за 714 ученици распоредени во 10 паралелки на македонски и 11 на албански наставен јазик, а во “Наце Буѓони“ 684 места се за прием на ученици во 10 паралелки на македонски и 11 на албански јазик.
Во “Исмет Јашари“ во Липково 136 ученици ќе се запишат во прва година.
Во Гимназиите се бараат минимум 60 поени, за медицинските струки 70, а за останатите профили помал број на поени.
Уписот ќе биде на 22 и 23 јуни, на 29 и 30 јуни, како и на 24 август.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk