Зачленете се во нашиот клуб на читатели и најновите текстови ќе ги добивате на вашата мејл адреса
Советниците на денешната седница ја изгласаа одлуката улицата “Иво Лола Рибар“ или попознато како Нагорички сокак да добие двонасочен сообраќај.
Оваа одлука имаше поддршка и од позицијата и од опозицијата во општинскиот совет.
Ќе гласаме за оваа точка бидејќи ова ни беше во предизборната програма. Со ова ќе добијат граѓаните. Ова беше наша заложба, а не сакаме да ги исправаме грешките на СДСМ - рече Мирослав Стојановски, советник од ВМРО - ДПМНЕ.
Претседателот на Советот, Максим Димитриевски кажа дека на оваа тема имало многу поплаки од граѓаните кои барале укинување на еднонасочниот сообраќај на оваа улица.
Во што пократок временски рок да ја обележат улицата, да ги отстранат планираните паркинг места. Ќе се растерети метежот кај Зелен пазар. Јас како член на Советот давам силна поддршка - вели Димитриевски.
Во текот на кампањата за локалните избори и од страна на ВМРО - ДПМНЕ и од страна на СДСМ ветуваа дека проблемот со еднонасочниот сообраќај на Нагорички сокак ќе биде решен.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk