Најмалку се градело во североисточниот регион

Во североисточниот регион во февруари годинава се издадени само 10 одобренија за градба, покажуваат податоците на Државниот завод за статистика.

Сите 10 одобренија се издадени во општина Куманово и од нив 6 се на физичко лице, а 4 на деловен субјект. Во општините Кратово, Крива Паланка, Ранковце, Липково и Старо Нагоричане во февруари не е издадено ниту едно одобрение за градба.

Податоците покажуваат дека во североисточниот и вардарскиот регион каде се издадени само 5 одобренија најмалку се градело, а во источниот имало 35, во југозападен 11, во југоисточниот 17, во пелагонскиот 24, полошки 41 и скопски регион 83 одобренија за градба истиот месец.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk