Најстариот советник ќе ја води конститутивната седница на Советот

 Најстариот советник ќе ја води денешната конститутивна седница на советот на Општина Куманово. Тоа е советникот од ДУИ, Фериз Дервиши.

Дервиши ќе претседава со советот при изборот на претседател и членови на Комисија за верификација на мандатите на членовите на Советот, верификација на мандатите  и давање на свечена изјава на советниците.

По изборот, новиот претседател ќе го преземе водењето на седницата на Советот.

Советот во Општина Куманово го сочинуваат 33 советници, 16 од коалицијата на СДСМ, 11 од коалицијата на ВМРО-ДПМНЕ, од ДУИ 3, од Беса 2 и еден од Алијансата на Албанците.

                                                          (фото архива Совет 2012 година)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk