Наврнаа над 30 литри дожд - се излеа Пчиња

 Во текот на изминатите 24 часа во Куманово и кумановско, наврнаа 30,6 литри дожд на метар квадратен, што предизвика зголемен водостој на реките и излевање во некои села.

Имаме дојава од жители од Шупли Камен дека имало излевање во делот каде Кумановка се влева во Пчиња. Во селото Доброшане водостојот е зголемен за 60 цм, но ако достигне над метар водата ќе излезе од коритото. Пчиња се излеа и во Општина Старо Нагоричане, така ни јавија од терен,  и во текот на денот ќе знаеме каде точно и од колкави размери е поплавата. Наши екипи на терен ќе проверат дали информациите од мештаните се веродостојни - велат од Регионалниот центар за управување со кризи за Кumanovonews.

Во наредните денови се очекуваат уште врнежи од дожд. Дневната температура утре ќе се движи до 17, во петок до 19, а во сабота до 20 Целзиусови степени.

Во недела ќе има заладување со температури до 12 степени, повторно проследено со дожд.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk