Не патувајте, не се знае кога ќе може да се вратите дома, рече министерот Димитров

 Немојте да патувате. Македонски граѓанин што утре ќе реши да оди некаде, сосема е неизвесно кога ќе може да се врати. Крајно е непредивдлива ситуацијата, државите носат свои одлуки, затвораат граници за странски државјани, затвораат аеродроми, рече министерот за надворешни работи, Никола Димитров.

Тој рече дека министерството се обидува да направи сѐ што може за да ги врати граѓаните, а дека приоритет им се оние граѓани коишто немаат регилуран престој, а се затечени на граници и додаде дека на такви случаи во моментот работат во Њујорк, Загреб и Виена.

- Двесте македонски граѓани беа заглавени на границата помеѓу Унгарија и Србија, но со помош на Бугарија и Романија направена е нова траса на патување и се очекува да пристигнат на граничниот премин Деве Баир. Граничниот премин на трети држави не зависи од нас,- рече Димитров.

Тој исто така додаде дека и ЕУ има најави дека ќе ги затвори границите во Шенген зоната, освен за лекари и товарни возила.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk