Не се откажуваме од нашите права, порачуваат стечајците

„Да престане државата да не игнорира, туку да го реши нашиот статус“, побараа стечајните работници од Куманово, кои денеска два часа го блокираа сообраќајот на влезот и излезот во Куманово.

Според претседателката на УНИТ Љиљана Георгиевка, нивното единствено барање е обешететување од 6000 денари месечно до пензионирање или повторно вработување, за да можат, колку-толку, нормално да живејат.

„Тие пари ќе бидат од државата за државата, за лекарства за џакче брашно, за сметки. Треба да се обештетат овие работници кои граделе и создавале, а на сила се истерани од своите фирми, не ги напуштиле сами.Тоа ни е згарантирано со Уставот, по член 32 и со право си ги бараме нашите права. Нема да се откажеме, секој понеделник и петок ќе протестираме тука, а за три недели ќе создадеме група, тие што се поздрави и можат да пешачат ќе органираме протестен марш на релацијата Куманово-Скопје. На тој начин сакаме да ги разбудиме институциите и политичките партии, невладините организации дека постоиме. Иако сме преполовени поради зголемениот морталитет на стечајците, но не има уште и не се откажуваме од нашите права, - изјави Георгиевска.

Стечајците бараат од пратениците да се обединат и да изгласаат нивниот предлог-закон, а во новиот буџетот е 3 милијарди евра да издвојат пари за 4000 стечајни работници.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk