Не се почитува законот за пушење во повеќе кумановски фирми

Десетина фирми во Куманово не го почитивале законот за пушење.

Во акцијата на Државниот пазарен инспекторат што била спроведена од 5 до 9 јануари годинава, изречени се казни на сопствениците на фирмите каде било утврдено дека се пуши во затворен простор, како и заради непочитување на други закони.

Привремена забрана во траење од 15 дена по Закон за заштита од пушењето и едно решение за привремена забрана за вршење на дејност во траење од 30 дена по Закон за угостителска дејност, заработи една од фирмите.

Едно решение за привремена забрана во траење од 30 дена по Закон за  трговија и едно решение за привремена забрана во траење од 7 дена по Закон за заштита од пушењето.

Изречена е една мандатна казна по Закон за трговија во износ од 36.900 денари и издаден е платен налог во износ од 153.750 денари по Закон за заштита од пушењето.

Издаден е платен налог во износ од 12.300 денари по Закон за трговија, еден платен налог од 30.700 денари по Закон за трговија. Изречена е казна по Закон за  угостителска дејност во износ од 92.250 денари. Издаден  е  еден  платен налог по Закон за трговски друштва во износ од 30.750 денари и еден платен налог во износ од  27.675 денари. Од кумановска фирма одземена е роба во износ од 380 денари по Закон за трговија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk