Не се поплавени објектите во меморијалниот центар Пелинце, само паркот

Излевањето на реката Пчиња, завчера го зафати само паркот, но не и објектите на меморијалниот центар „АСНОМ“ во Пелинце.

Како што соопшти Даниел Стојчевски, член на Кризниот штаб во Општина Куманово, со поплавата не е зафатена внатрешноста на ресторанот, собите за сместување и музејот.

„Сега засега од она што го имаме како информација е дека објектите во внатрешноста не се зафатени, меѓутоа има одреден нанос на вода околу нив и доколку има потреба и добиеме согласност Општина Куманово ќе интервенира“, изјави Стојчевски.

Тој додаде и дека тие од страна на приватни стопанственици имаат на располагање машини коишто можат да ги искористат, но им треба барање од страна на Општината Старо Нагоричане  или пак надлежните институциите, бидејќи не сите објекти се во надлежност на Општина Куманово.

(Ф.М.)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk