Не се знае колку дожд наврна во Куманово

Само 1,5 литар на метар квадратен наврнат дожд е измерен во последните 24 часа на Филтер станицата во Куманово.

Ова бројка не е точна со оглед на тоа што во текот на вчерашното попладне и утринава во градот паѓаше пороен дожд.

„Дождот врнеше на облак и го зафати централното подрачје и населбите Доброшане и Карпош. Во Филтер станицата каде што е поставена мерната станица немаше толку обилни дождови, а  таму каде што врнеше повеќе не се мерат врнежите. Затоа оваа бројка не се совпаѓа со реалната состојба на терен“ - велат од Регионалниот центар за управување со кризи Куманово(РЦУК).

Во текот на вчерашното попладне имало поплава во подрум и во дворно место од затната шахта во населбата Карпош, а поплавени беа и улиците во централното градско подрачје и булеварот Октомврсика револуција.  Силниот ветер и краткото невреме скрши една дрво во близина на Биртекс.

Од РЦУК велат дека водостојот на реките не е зголемен и нема опасност од поплави.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk