Нема да се продолжи учебната година за средните училишта, ќе заврши на 10 јуни

Учебната година во средните училишта ќе заврши на 10 јуни и нема да се продолжи, одлучи Владата на денешната седница. 

Според Одлуката за утврдување на бројот на наставните денови во учебната 2021/2022 година во средните училишта, се утврдува дека има 146 наставни денови во тековната учебна година во средните училишта, односно дека ќе нема продолжување.

На денешната седница Владата одлучи и да престане ограничување на извозот на масло од сончоглед, согласно состојбата според која тековното домашно производство на масло од сончоглед редовно го снабдува домашниот пазар и нема потреба да се создаваат вишоци, односно залихи.

Денеска Владата ги задолжи Министерството за здравство и Министерството за финансии да ги обезбедат неопходните средства за антиретровирусната терапија како составен дел од Програмата за заштита на населението од ХИВ инфекција за 2022.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk