Зачленете се во нашиот клуб на читатели и најновите текстови ќе ги добивате на вашата мејл адреса
Невремето кое вчера попладнево го зафати Куманово не предизвика матерјална штета на имотите на граѓаните и на јавните институции.
Од Регионаланиот центар за управување со кризи, информираат дека кај нив нема ниту една пријава за штета предизвикана од невремето. Пријавено било само едно поплавување на подрум на ул. Здравко Радичевиќ, во населбата „Перо Чичо“, во куќа која се наоѓала под нивотот на улицата. Веднаш било известено ЈП „Водовод“ кое излегло на терен и интервенирало.
Од поројниот дожд поради големиот прилив на вода, а малата пропустна моќ на шахтите на атмосферската канализација, поплавени се повеќе улици, како „Октомвриска револуција“, раскрсницата на улиците „Карадачки одреди“ и „Веселин Вуевски“ во населбата Бараки и други, па било отежнато движењето со возилата.
Откако се повлекла водата екипите на ЈП „Чистота и зеленило“ и „Водовод“ , излегле на терен и ги расчистиле главните сообраќајници од последиците на невремето.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk