Зачленете се во нашиот клуб на читатели и најновите текстови ќе ги добивате на вашата мејл адреса
Ненад Стојановски е нов в.д. директор на ЈП „Чистота и зеленило“ во Куманово. Тој е дипломиран економист, а во изминатите 5,5 години беше раководител на Секторот за даноци во Општина Куманово.
Стојановски доаѓа на местото на Даниел Стојчевски, кој на парламентарните избори освои пратенички мандат во Собранието на Македонија. На листата на пратеници на ЗНАМ на третото место беше и Стојановски, но партијата не успеја да добие доволно гласови за да и тој стане пратеник.
На новата функција в.д. директорот ќе стапи од утре, по што ќе изврши увид во она што е сработено, што бара итно внимание, но и какви се предвидените активности од програмата за работа.
„Ќе продолжам со реализација на актуелната програма на претпријатието, но ќе обрнам внимание дали има простор и можности за подобрување во функционирањето на претпријатието. „Чистота и зеленило“ ја има една од клучните улоги во животот на граѓаните, се надевам ќе ја задржам стекнатата репутацијата, но и дополнително ќе ја унапредам работата, за Куманово да биде урбан, модерен и чист град, како што заслужува“, изјави Стојановски за Кумановоњуз.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk