Зачленете се во нашиот клуб на читатели и најновите текстови ќе ги добивате на вашата мејл адреса
По обилните врнежи на снег проследени со ветер и наноси, повеќе патни правци во регионот се непроодни. Станува збор за села во Кумановско, Липковско и Старо Нагоричане, соопштуваат од Регионалниот центар за управување со кризи (РЦУК) Куманово.
„Во општина Куманово во моментот се работи на сите патни правци кон селата од Которлкот. Сите се од трета категорија, пуштени се три машини гредари и камиони за расчистување и посипување кон селата: Габреш, Колицко, Кучкарево, Новосељане, Косматац, Градиште Кшање, Кокошиње, Пезово и Кутлибек“, - велат од РЦУК.
Уште потешка е состојбата и во општина Старо Нагоричане, таму поради големите наноси на снег непрооден е региналниот патен правец Старо Нагоричане- Длабочица, а отсечени се селата Жегљане, Арбанашко, Длабочица и Дејловце.
„Локалниот патен правец Старо Нагоричане - село Стрновац е непроден. Општина Старо Нагоричане има непроодни патни правци и во селата: Алгуња, Малотино, Буковјање, Мглинце и Бајловце, со едн збор цел Козјачки планински регион“, - додаваат од РЦУК.
Во општина Липково непродони се патиштата до планинските села: Липково-Глажња, Лукаре, Гошинце, Белановце, Думановце, Извор, Рнковце, Ропајце, Руница, Стража и Стрима.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk