Зачленете се во нашиот клуб на читатели и најновите текстови ќе ги добивате на вашата мејл адреса
Во градот се вози како на рели трки и се загрозува безбедноста на останатите учесници во сообраќајот
Несовесни возачи, деновиве како да се натпреваруваат во уништување на сообраќајната сигнализација во градот. За само три дена во Куманово уништени се и оштетени два семафори и еден сообраќајен знак.
Последниот семафор настрада на раскрсницата на улиците „Октомвриска револуција“ и „Трета МУБ“. Утринава во 7 часот, возач на голф удрил во бетонската жардињера, а потоа во семафорот. При тоа столбот е скршен, а светолсната сигнализација парчосана.
Во саботата претпладне, оштетен е сообраќаен знак на влезот во населбата Карпош. Автомобил се забил во неодамна поставената табла-патоказ, спроти безинската пумпа Сателит, и ја оштетил.
На раскрницата на улиците „Трета МУБ“ и „Народна револуција“, кај Рим-Париз, во четвртокот попладне беше скршен семафор. Според очевидци две возила при полукружно свртување се судриле, по што изгубиле контрола и удриле во семафорот, при што целосно го уништиле.
За среќа во трите сообраќајки немало жртви, но дали секогаш е така. Од Општина Куманово велат дека во најкратко време ќе набават нова опрема и ќе ги заменат уништените семафори.
Со подобрување на времето, секоја година се зголемуваат и сообраќајните незгоди во градот. Несовесни возачи со автомобили и мотори, возат како на рели трки и ја загрозуваат безбедноста на останатите учесници во сообраќајот. Најмногу се засегнати децата и граѓаните кои се на удар на “бесните“ автомобили и возачи, а нема кој да ги заштити.
Граѓаните бараат од сообраќајната полиција да им застане на пат на таквите возачи и да ги зголеми контролите по сообраќајниците. Тоа се очекува од новиот началник на СВР Куманово, кој е кумановец и ги знае црните точки во градот, па треба сериозно да се зафати со решевање на сообраќајниот хаос, бидејќи на седниците на Советот тоа го бараше и позицијата и опозицијата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk