Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот кеј во Куманово, поставена е куќичка - штанд за продажба на кафе, сладолед, освежителни пијалци, сок и вода.
Штандот е закупен за еден месец од невладина организација „Симбиоза мултиетникум“ од Скопје, а средствата од продажбата ќе бидат донирани за справување со вирусот ковид-19, тврдат од Општината.
„Здружението на граѓани за мултиетнички живот и развој на општество „Симбоза мултиетникум“ со одобрение добиено од Општината ќе го користи штандот на градскиот кеј за промоција и продажба на нивните производи, а средствата ќе бидат донирани за помош на ковид-19. Штандот ќе биде поставен четири месеци, а првичниот договор на здружението е месец дена, за чие користење ќе се плаќа закуп на Општината“, велат од Секторот за комунални дејности во Куманово.
Вакви објекти вообичаено поставува ЈП „Пазаришта“ Куманово, кое е надлежно да организира базари, обично за новогодишните и осмомартовските празници.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk