Зачленете се во нашиот клуб на читатели и најновите текстови ќе ги добивате на вашата мејл адреса
Гости во ресторан на бензинската пумпа „Лук Оил“, лоцирана на автопатот Куманово – Скопје, го претепале вработениот В.Н. (23) од Куманово.
Инцидентот се случил утринава 4 часа по полноќ, кога поголема група непознати лица влегле во ресторанот и незадоволни од услугата, почнале да навредуваат и да упатуваат пцовки кон вработениот. Потоа физички го нападнале удирајќи го во пределот на телото и главата, нанесувајќи му повреди во пределот на лицето и вратот. По тепачката насилниците го напуштиле објектот и побегнале во непознат правец. Увид извршила екипа од СВР-Куманово. Се преземаат мерки за пронаоѓање на сторителите и за целосно расчистување на настанот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk