Зачленете се во нашиот клуб на читатели и најновите текстови ќе ги добивате на вашата мејл адреса
Повеќе од десет дена полицијата и семејството трагаат по Душанка Митровска (71), која минатата сабота исчезна од нејзиниот дом на улицата "Тоде Думба" во Куманово.
Роднини велат дека последна информација која ја добиле од граѓаните е дека во неделата жената била видена во близина на училиштето "Бајрам Шабани" и Зелениот пазар во Куманово, и од минатиот понеделник немаат никаков абер.
"Постојано ја бараме ние и полицијата со службени кучиња. Ги пребаравме сите улици, дворови и влезови на згради во градот, како и околината на Куманово. Никаде ни трага ни глас. Се надеваме дека е жива и можеби се засолнила во некое семејство, па тоа не знае да ја пријави. Сите варијанти се во опција, на сè сме подготвени", вели нејзината ќерка.
Душанка е пензионерка која имала здравствени проблеми, но порано никаде не излегувала ноќе без придружба. Критичната вечер останала сама дома и се оддалечила во непознат правец. Соседите ја видел околу 22 часот како се движи по улицата на која живее, и оттогаш и се губи секаква трага. Облечена е во сина пижама и, најверојатно, во виолетова блуза. Има кратка костенлива коса и е со средна висина.
Семејството ги повикува сите граѓани, не само од Куманово, доколку ја видат, да пријават во најблиската полициска станица.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk