Зачленете се во нашиот клуб на читатели и најновите текстови ќе ги добивате на вашата мејл адреса
Секторот за локален економски развој при Општина Куманово во текот на годината ќе реализира повеќе проекти, од кои најзначајни се уредувањето на Бислимска клисура, избор на кумановски бренд и најдобар претприемач, избор и откуп на сувенир карактеристичен за Општина Куманово, а ќе публикува и “Водич за инвеститори“.
Овие проекти се дел од програмата за работа во 2014 година.
Еден од најголемите проекти, кој ќе се работи цела година е изработка на новата стратегија за локален економски развој Куманово 2020, која сакаме да ја направиме со сопствени ресурси. Исто така освен огласната табла во одделение за даноци ќе се постави и терминал, да не ги шетаме граѓаните за 50 денари административна такса да плаќаат 35 денари разни банкарски провизии - вели Зоран Павловски, раководител на сектор за локален економски развој и ИТ во Општина Куманово.
За реализација на проектите ќе бидат потрошени милион денари од општинскиот буџет и уште 4 милиони од други извори и околу 1.250.000 денари предвидени за информатичка технологија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk