Зачленете се во нашиот клуб на читатели и најновите текстови ќе ги добивате на вашата мејл адреса
Нов гинеколошко стол, рефлектор - ЛЕД лампа и два ЦТГ апарати, доби гинеколошко - акушерското одделение во Општа болница Куманово од компанијата „Кромберт и Шуберт“.
„Особено значајно е што на овие апарати може да се следи и близначко породување. Со нив се следи плодот за време на бременоста, пред и за време на породување“, изјави д-р Лидија Јовчевска, началник на гинеколошко-акушерското одделение на Општа болница Куманово.
Гинеколошко-акушерското оддление е релативно добро опремено и екипиорано. Но, осовременувањето на апартурата е најважна за секоја здравствена установа, бидејќи постоечката брзо се амортизира поради големиот број пациенти. Новите, пак, ќе понудат на мајките и новороденчињата правилно да се следат и да се опслужат како што треба.
„Секогаш е добредојдено обновување и подновување на апаратите и опремата. Со осовременување на одделението се надеваме дека ќе привлечеме барем дел од родилките да се вратат во јавното здравство, затоа што ќе сме конкурентни на приватните клиники. Најмногу се надеваме дека нема да има намалување на бројот на породувања, што е тенденција во последните неколку години“, истакнува д-р Јовчевска.
Минатата година на акушерското одделение на Кумановската болница имало над 846 породувања, од кои 20 биле со близначиња. Од почетокот на годината во Куманово има 45 породувања.
Од „Кромберт и Шубарт“ истакнваа дека во делот на медицинска опрема ова е прва донација надвор од Битола, што е матичен град на компанијата. Како општествено-одговорна компанија во изминатите десет години донирале и во областа на културата, образованието во повеќе градови во Македонија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk