Нови советници во Советот на Oпштината

 Двајца советници од коалицијата за подобра Македонија, Јордан Пачков од ВМРО-ДПМНЕ и Горан Стојковиќ од ДПСМ наскоро ќе го напуштат Советот на Општината Куманово.

Советникот Пачков ќе си замине од функцијата поради добивање на пратеничко место во републичкото Собрание, а Стојковиќ ќе ја задржи функцијата директор во ЈП „Македонија пат„.

 Имаме најава, која мислам дека деновиве е доставена до Советот. Најверојатно на наредната седница на 30 јуни ќе бидат констатирани оставките,  една поради нова должност, а другата поради судир на интереси, така да ќе имаме промена во персоналниот состав на Советот-изјави Виктор Цветковски, претседател на Советот.

Испразнетите места ќе ги пополнат Небојша Томовиќ од ДПСМ и Наташа Тошевска од ВМРО-ДПМНЕ.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk