Зачленете се во нашиот клуб на читатели и најновите текстови ќе ги добивате на вашата мејл адреса
Две нови жаришта на коронавирус се откриени во Општина Куманово, соопштуваат од Центарот за јавно здравје во Куманово.
Од 17 новозаболени кои се регистрирани во изминатото деноноќие, 15 се од нови кластери во селото Лопате и во градското подрачје на Куманово, а двајца од Липковско, од селата Матејче и Ваксинце.
„Денеска се направени 62 тестирања, по пола во двете општини. Во Куманово тестирањето се одвива без проблеми, додека во Липковско имаме 3-4 семејства, кои имале контакт со заболени, а веќе по вторпат одбиваат да се тестираа“, вели Ариф Љатифи, директор на Центарот за јавно здравје во Куманово.
Од Куманово денеска е регистриран еден оздравен пациент.
Во Кумановско и Липковско досега вкупно има 635 заболени од коронавирус, а активни се 216 лица.
Во последните 24 часа регистрирани се 196 нови случаи на КОВИД-19 во државата, од направени 1213 тестирања. По градови: Скопје 90, Куманово 17, Штип 5, Прилеп 1, Тетово 45, Струга 8, Велес 1, Битола 4, Охрид 11, - Гостивар 8, Крива Паланка 1, Пехчево 2, Свети Николе 1 и Ресен 2.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk