Ново поскапување на горивата во Македонија

Од полноќ поскапуваат бензинот и дизелот, одлучи Регулаторната комисија за енергетика.

Еуросупер 95 од полноќ ќе се продава за 73,5 денари, додека пак Еуросупер 98 ќе биде 75,5 денари. Во двата случаи зголемувањето е за 2 денари.

Дизелот, исто така поскапува за 2 денари и од сегашните 63 денари, од полноќ ќе биде 65 денари.

Екстра лесното масло горење ќе биде 54 денари, додека пак мазутот 34,5 денари.

Со оваа Одлука се врши зголемување на рафинериските и на малопродажните цени на нафтените деривати во просек за 5,56 %,односно за 3,90 % во однос на рафинериските и на малопродажните цени на нафтените деривати утврдени согласно Одлуката на Регулаторната комисија за енергетика на Република Македонија од 14.05.2018 година.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk