НСДП Куманово ќе бира нов претседател

Во трката за прв човек на огранокот се двајца истакнати членови   Јасмина Спасовска и Свето Петрушевски

Општинската организација на НДСП Куманово, во сабота во 12 часот, во кружната сала во Комитет ќе одржи изборна конференција.

На конференцијата ќе бидат избрани органи на партијата: претседател, извршен одбор и надзорен одбор. На партиските избори ќе гласаат 71 делегат.

“Во трката за претседател се двајца кандидати и тоа: Јасмина Спасовска и Свето Петрушевски. Извршниот одбор ќе биде составен од 14, а надзорниот од 5 члена. На конференцијата извештај ќе поднесе досегашната претседателка Сунчица Јосифова, а поздравно обраќање ќе има лидерот на НСДП, Тито Петковски„ - вели Зоран Маневски, советник и член на ИО на НСДП.

На конференцијата се поканети сите политички партии од градот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk