Обединетата српска заедница организира ликовна работилница за Видовден

Обединетата српска заедница Куманово, утре (сабота) во основното училиште „Вук Караџиќ“ организира ликовна работилница на тема Видовден, на која можат да учествуваат ученици од 11 до 14 години од сите основни училишта во градот.

Работилницата е дел од проектот „Видовденски денови“, финансиран од Министерството за култура и информирање на Република Србија. Проектот предвидува две ликовна работилница и изложба на настанатите дела.

- На работилницата ќе и предходи краток историски час, на кој учениците ќе имаат можност да се запознаат со настаните, важноста и значењето на овој ден од српската историја. Својата креативност учениците ќе ја покажат преку изработка на мозаици со неконвенционални материјали. Заинтересираните можат да се пријават во ООУ „Вук Караџиќ“ во Куманово, - соопштуваат организаторите.

Сите трудови ќе бидат дадени на продажба, а собраните средства ќе се искористат во хуманитарни цели. На изложбата ќе биде промовиран и краток видео-запис од историскиот час и атмосферата за време на работилниците.

Со овие активности Обединетата српска заедница – Куманово, чествувањето на еден од најзначајните датуми за српската историја, Видовден, сака да го одбележи на еден сосема поинаков начин и да им даде можност на младите да ја искажат својата креативност, негувајќи ја и чувајќи ја традицијата и културното наследство на Србите.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk