Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово објави конкурс за избор на сувенир, кој ќе го отсликува карактерот на градот, заради промоција на туризмот. Можат да се пријават сите правни и физички лица, кои ги познаваат одликите на градот и околината.
Сувенирот треба да содржи елементите на препознатливност и да ја отсликува традицијата и културно-историските, духовни, материјални и природни богатства на градот Куманово, да биде прилагоден за масовно производство и наменет за туристичка промоција на градот.
За изработка на сувенирот можат да се користат стабилни и еколошки прифатливи материјали како што се: керамика, камен, метал, дрво, стакло, глина, гипс, текстил и други, а идејната концепција, развојот и начинот на изработка на сувенирот, техничките услови за изработка и материјалот од кој е изработен треба да бидат текстуално образложени.
Краен рок за доставување на трудовите е 20 октомври 2020 година.
Наградата за најдобриот сувенир изнесува 30.000 денари.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk