Облачно и врнежливо денеска

 Времето денеска ќе биде променливо облачно со повремени врнежи од дожд, почести до претпладневните часови и на истокот.

На планините ќе има повремен снег. Попладне ќе има и краткотрајно услови за појава на ретки грмежи, особено на југоисток. Ќе дува слаб ветер од променлив правец, а попладне слаб до умерен од северен правец.

Максималните дневни температури ќе се движат во интервал од 6 до 12 Целзиусови степени.

Во Скопје времето ќе биде променливо облачно со повремени врнежи од дожд, повеќе до претпладневните часови. Ќе дува слаб ветер од променлив правец, а од пладне ветерот ќе се менува кон северен и ќе биде поинтензивен. Дневната температура ќе достигне 8 степени.

Нови врнежи од снег во текот на ноќта имало само во Тетово од што е формирана снежна покривка од 6 сантиметри. Во другите делови врнежите биле од дожд од кои најинтензивни во Дојран каде се наврнати 24 литри на метар квадратен, Берово 22, Пожаране 12, Крива паланка 11, Охрид 6, Штип, Битола и Крушево 8, Ѓуриште 7, Куманово, Тополчани, Демир Капија, Претор, Дебар и Струмица 6, Скопје 5, и Гевгелија, Прилеп и Маврово 4 литри.

Утре ќе има почести сончеви периоди, претежно на југот од земјата. Температурата ќе биде во опаѓање, но утринските температури ќе останат околу нулата. На крајот на работната недела ќе има услови за слаби локални врнежи од дожд и снег претежно на југозапад. За време на викендот малку постудено, а изгледи за повеќе сонце ќе има во недела.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk