Зачленете се во нашиот клуб на читатели и најновите текстови ќе ги добивате на вашата мејл адреса
Дваесетина претставници од македонски и бугарски невладини организации, денеска беа на обука за градење на капацитети на граѓански организации, организирана од Центар за меѓукултурен дијалог.
Направени се две компаративни анализи за да се види во кои сектори организациите од пограничните региони можат да соработуваат и резултатите за неколку дена ќе бидат објавени на интернет страната www.netwess.org. На истата страница невладините можат да направат профил, да ги презентираат активностите и да побараат партнер организација.
Намерата е да ги зајакнеме овие организации за да можат полесно да соработуваат. Вмрежувањето е основа на овој проект за да можат понатаму да ги користат сите можности кои ИПА програмата ги дава и да работат на развој на овој регион. Нашето истражување кое што преходно го направивме покажа дека овој реон не е толку развиен. Имаме претставници од македонска страна од Струмица, Делчево, Берово, Кратово, Штип, Пробиштип - вели Габриела Бошков од ЦИД, координатор на проектот.
Партнерите на ЦИД, Европски Институт од Благоевград се организација која постои од 1999 година и е една од најстарите бугарски невладини која работи со европски програми.
Имаме и втор проект на подобна тема кој ќе продолжи, се нарекува е - регион. Сакаме со новите техники да ги поврземе непрофитните организации. Проектот почна со организации од Благоевград и Ќустендил кои имаа партнери од Македонија. Ќе можат да реализираат проекти, иницијативи и човечкиот контакт е многу важен. Во период 2014 - 2020 година прекуграничните средства се зголемуваат и тоа е мотив уште повеќе да работиме. Можеме да работиме на поле на култура, граѓански проблеми, имаме и во Бугарија многу еколошки организации - рече Љубов Панајотова, директор на Европски Институт Благоевград.
Проектот „Изградба на погранична мрежа за ефективно и одржливо граѓанско општество“ се реализира во рамки на ИПА програмата за меѓугранична соработка од ЦИД и Европски Институт Благоевград.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk