Зачленете се во нашиот клуб на читатели и најновите текстови ќе ги добивате на вашата мејл адреса
Во просториите на општинската организација на Црвен Крст од Куманово, викендов се одржа обука за врснички едукатори.
На обуката учествуваа 15 младинци кои подолго време се волонтери во Црвен Крст. Учесниците се стекна со вештини и техники за успешно реализирање на едукации.
Инаку врсничка едукација претставува процес во којшто добро обучени и мотивирани млади луѓе извршуваат неформални или организирани образовни активности, со млади блиски по возраст, ставови или интереси. Односно за врсничка едукација зборуваме кога младите луѓе им пренесуваат информации на своите врсници. Врсничката едукација има одредени цели, а тоа се младите да стекнат знаења и вештини како и да развијат способност да препознаат одредени ситуации во кои може да бидат загрозени и да се заштитат од негативни влијанија во средината во која живеат“ - велат од Црвен Крст.
Целта на овие врснички едукатори е да ги поттикнат младите да развијат социјални вештини, да се грижат за своето здравје и друго.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk