Зачленете се во нашиот клуб на читатели и најновите текстови ќе ги добивате на вашата мејл адреса
За две години комбинатот е оштетен за 3.5 милиони денари.
Кумановската полиција по претходно поднесени пријави од стечаен управник на „Кожарско преработувачки комбинат Куманово“ АД Холдинг во стечај, против непознато лице за извршена кражба на кожа од магацинот на фабриката, превзеде оперативно тактички мерки при што постојат сомненија дека сторител е Ј.М.(61) од Куманово, претставник на стечајните работници од КПК Куманово.
На Ј.М. му бил доверен клучот од магацинот и од 2013 година до 2015 година, изнесувал различна роба од магацинот со што е причинета материјална штета од околу 3.550.000 денари.
По наредба на основен суд Куманово, во текот на вчерашниот ден извршен е претрес на дом и други простории на три локации, при што со потврда за одземени предмети одземени се разни предмети за кои постои сомнение дека се сопственост на „Кожарско преработувачкиот комбинат Куманово“. При претресот пронајдени се повеќе од 100 парчиња машки и женски кожни јакни и бунди, 62 бали разновидна кожа , женски здолништа, женски чанти, кожни елеци, мантили, паричници и друго. Сите предмети се запечатени, пренесени во магацинот на фабриката и истиот е пломбиран.
По целосно расчистување на случајот против Ј.М. ќе биде поднесен соодветен поднесок.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk