Од ноќеска на полноќ пониски цени на дел од горивата

Од Регулаторната комисија за енергетика (РКЕ) соопштија дека од утре поевтинуваат дизел горивото  и екстра лесното масло за домаќинство. 

ЕУРОСУПЕР БС-95 и ЕУРОСУПЕР БС-98 бензините како и Мазутот М-1 НС остануваат со исти цени, 84, односно 86 денари за литар и 41,346 денари за килограм, информираат од Регулаторна.

Цената на дизел горивото ЕУРОДИЗЕЛ (Д-Е V) од ноќеска на полноќ се намалува за 2,5, а на Екстра лесното масло за домаќинство (ЕЛ-1) за два денара за литар, одлучи денеска Регулаторната комисија за енергетика и водни услуги (РКЕ). Со одлуката се врши намалување на малопродажните цени на нафтените деривати во просек за 1,08 отсто.

„Новата малопродажна цена на ЕУРОДИЗЕЛ (Д-Е V) ќе изнесува 82, а на Екстра лесното масло за домаќинство (ЕЛ-1) 80,5 денари за литар. Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС не се менуваат и остануваат 84, односно 86 денари за литар и 41,346 денари за килограм“, информираат од Регулаторна.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,648 отсто, кај дизелот за 4,145, кај екстра лесното масло за 4,165 отсто, додека кај мазутот има зголемување за 0,451 отсто. Курсот на денарот во однос на доларот по кој беа формирани цените со претходната пресметка е понизок за 0,131 отсто.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk