Од Нова година ќе започне реконструкцијата на градската куќа

Куќата на улицата Иво Лола Рибар, во која сега е сместен Клубот на ветерани ќе стане градска куќа.  Во тек е изработка на проектот, по што ќе се обезбеди дозвола за градба од општината Куманово и одобрение за реставрација од Конзерваторскиот центар. Куќата е под заштита на државата како споменик од втора категорија.

Реконструкцијата најверојатно ќе започне по Нова година. Објектот ќе содржи повеќе простори во кои ќе се смети младински центар а ќе има простор за работа и на невладини организации. Тоа ќе биде мултифункцинална куќа за потребите на разни манифестации и настани, - велат од општината.

 Куќата е во сопственост на општина Куманово, а средства за реконструкција во висина од 200.000 долари се обезбедени од УНДП.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk