Зачленете се во нашиот клуб на читатели и најновите текстови ќе ги добивате на вашата мејл адреса
Дизел-горивото од ноќеска на полноќ поевтинува за 4,5 денари за литар, а цената на бензините се зголемува за еден денар, одлучи денеска Регулаторнате комисија за енергетика, водни услуги и услуги за управување со комунален отпад (РКЕ).
Со одлуката се врши намалување на малопродажните цени на нафтените деривати во просек за 1,06 отсто.
Новата максимална малопродажна цена на „евросупер БС-95“ ќе биде 100 денари за литар, „евросупер БС-98“ ќе се продава за 102, а „евродизелот (Д-Е V)“ за 100 денари за литар.
Со одлуката на РКЕ малопродажната цена на екстра-лесното масло за домаќинство (ЕЛ-1) се намалува за три денари од литар и ќе изнесува 111,5 денари, а малопродажната цена на „мазутот М-1 НС“ се намалува за 0,196 денари за килограм и ќе биде 49,882 денари.
Владата денеска донесе одлука со која до 12 октомври е продолжено важењето на одлуката за намалување на ДДВ-то од 18 на 10 отсто за дизел-горивото. Во новата цена на горивата е пресметано и намалувањето на акцизата за дизелот и за бензините.
2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk