Од полноќ повисоки цени на горивата

Од вечерва на полноќ Еуросупер 95 се зголемува за половина денар, а ЕУРОДИЗЕЛ (Д-Е V) и  Екстра лесното масло за домаќинство на (ЕЛ-1) за еден денар по литар. 

Покачување има и кај Мазутот за 0,964 ден/кг. Бензинот од 98 окатни останува во продажба со досегашната цена.

Највисоките малопродажни цени на нафтените деривати и горива за транспорт од вечерва изнесуваат:

- Моторен бензин - ЕУРОСУПЕР БС - 95 - 90,50 (денари/литар)

- Моторен бензин - ЕУРОСУПЕР БС – 98 - 92,50 (денари/литар)

- Дизел гориво - ЕУРОДИЗЕЛ БС (Д-Е V) - 87,00 (денари/литар)

- Масло за горење - Екстра лесно 1 (ЕЛ-1) - 86,00 (денари/литар)

- Мазут М-1 НС - 48,268 (денари/килограм)

Регулаторната комисија за енергетика ја донесе одлуката со која се врши зголемување на малопродажните цени на нафтените деривати во просек за 0,99% ,поради зголемување на референтните цени на светските пазари.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk