Од септември на „Нагорички сокак„ ќе се вози двосмерно

  На Улицата „Иво Лола Рибар„ или попозната како Нагорички сокак од идниот месец повторно ќе се воспостави двонасочен сообраќај.

Од локалната самоуправа Куманово велат дека во тек е изработка на студија со која ќе го регулира сообраќајот во две насоки.

Откако ќе се изготви сообраќајната студија за таа сообраќајница на седница на Совет во септември ќе донесеме одлука за промена на двосмерниот тек на сообраќајот на Нагорички сокак. Со тоа ќе се задоволат потребите на граѓаните, особено на сопствениците на трговските дуќани кои што сметаат дека падот на прометот е поради еднонасочниот сообраќај. Јас не го делам тоа мислење но ќе излеземе во пресрет на барањата на граѓаните- изјави градоначалникот Зоран Дамјановски.

Истовремемно ќе започне и реализација на втората фаза од проектот за еднонасочен сообраќај во градот, на улиците кај основното училиште Бајрам Шабани, кои сега претставуваат тесно грло во сообраќајот во тој дел на градот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk