Од следната сезона Кумановската болница ќе се грее на гас

Општата болница во Куманово од наредната сезона ќе се грее на гас. Министерството за здравство преземало одредени чекори за промена на системот на греење во повеќе јавни здравствени установи.

Приоритет е ставен на  Специјалната болница по гинекологија и акушество „Мајка Тереза" во Чаир, како и на општите болници во Куманово и Струмица, поради тоа што е подготвена инфраструктура за гасификација од општините.

„Се надевам дека толку колку што трае тендерската постапка и сите законски рокови ќе поминат без никаков проблем и за скоро време, веќе за следната грејна сезона сите овие објекти ќе бидат подготвени да се греат на гас“, - изјави министерот Венко Филипче.

Проектите се готови и влегле во планот за јавни набавки и ќе почнат да се реализираат како приоритет токму во овие три јавни здравствени установи.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk