Одбележан Меѓународниот ден на лица со попреченост

По повод 3. декември- Меѓународен ден на лицата со попреченост, денеска во Народниот театар Куманово се одржа сценско-музички перформанс „Пат околу светот“ во рамки на проектот „Моќно образовно партнерство“ – Програма општинско-корисна работа.

На манифестацијата учествуваа деца со попреченост од двата дневни центри во Куманово.

„Многу ми е драго што се организираат вакви претстави кои што покажуваат дека децата со попреченост имаат капацитет и моменти од својот живот кои можат да ги искажат“ – изјави Луиза Винтон, претставник на УНДП.

Сценско-музичкиот перформанс е организиран од Одделение за социјална заштита во Општина Куманово и ангажираните лица во рамки на проектот и корисниците на проектните услуги- лицата со попреченост.

Реализацијата на активностите од проектот „Моќно образовно партнерство“ Општина Куманово ја започна на 15 септември 2016 година и со истата ќе продолжи до 14 март 2017 година, како составен дел од Програмата Општинско-корисна работа 2016, во која се вклучени страни се Програмата за развој на Обединетите нации (УНДП), Министерство за труд и социјална политика, Центар за социјална работа- Куманово и Агенција за вработување на Република Македонија- ЦВ Куманово, како и локални партнер институции.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk