Одбележување на 6 април, Денот на бомбардирањето на Аџитепе

Српската заедница во Македонија, регионален одбор Куманово, утре, традиционално организира комеморијален историски настан за одбележување на 6 Април, Денот на бомбардирањето на аеродромот Аџитепе во близина на Куманово, кога била нападната војската на Кралството Југославија од страна на германската авијација во 1941 година.

Со овој настан бил означен почетокот на Втората светска војна.

„На споменикот на 8-те загинати авијатичари, на ул. Никола Тесла, со почеток во 11 часот, ќе биде одбележен на овој значаен историски ден во присуство на бројни делегации, невладини организации и политички партии“, информираат од Српската заедница во Македонија.

Делегациите ќе положат венци, свежо цвеќе, а ќе биде организирана и пригодна културно- уметничка програма.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk