Однесен дрвен мост од надојдената река во Бедиње, поплавено земјиште во Опае и Оризаре

На подрачјето на Куманово, како и во Општина Липково и Општина Старо Нагоричане, во моментов нема опасност од излевање на реките – водостојот е намален и водата е повлечена во коритата.

Според Центарот за управување со кризи (ЦУК), од вчерашните врнежи во населба Бедиње е однесен дрвен мост од надојдената река Липковка.

Во село Опае, Општина Липково поплавено е земјоделско земјиште по излевање на Слупчанска Река. Дел од земјоделските површини се поплавени и во село Оризаре.

Во реката Пчиња, во селото Доброшане, кај мостот кон село Шупли Камен, имало насобран отпад и локално излевање на обработливо земјиште. 

За сите настани известени се надлежните служби, соопштуваат од Центарот за управување со кризи.

2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk