Зачленете се во нашиот клуб на читатели и најновите текстови ќе ги добивате на вашата мејл адреса
Општинската изборна комисија за Општина Куманово ги утврди конечните кандидати за градоначалници и листите за советници во Советот на Општината за претстојните локални избори.
За местото градоначалник на Општината, од осум поднесени кандидатури утврдени се 7, а една е отфрлена. Има 14 листи со кандидати за советници за Советот на Општината кој ќе брои 31 советник.
Кандидати за градоначалик се: Мартин Костовски од коалицијата на СДСМ, Мирослав Петковиќ од Левица, Максим Димитриевки од Движењето ЗНАМ, Селвер Ајдини од ДУИ, Виолета Арсовска од ЛДП и Арбен Етеми од ВЛЕН. Независен кандидат е Горан Стојковски - Диро.
Општинската изборна комисија ги потврди и доставените листи за советници за Советот на Општината од страна на коалицијата предводена од СДСМ, ВМРО-ДПМНЕ, Движењето ЗНАМ, Македонска трета ера Суверенисти, МААК , коалиција ЛДП, Интегра и Партија за еманципација на Ромите, ДПСМ, ДОМ, ДУИ, ВЛЕН, Левица, Единстена Македонија. Независните листи доставиле граѓанската иницијатива „Ред за Куманово“ и „За Албанците на Куманово“.
Локалните избори ќе се одржат на 19 октомври, а вториот круг на 2 ноември.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk