Зачленете се во нашиот клуб на читатели и најновите текстови ќе ги добивате на вашата мејл адреса
Оливер Стојмановски - Цобра е нов в.д. директор на ЈП „Водовод“ во Куманово.
Стојмановски доаѓа на местото на досегашниот директор Горан Стојковски, кој пред неколку месеци поднесе оставка, а деновиве му заврши договорот за работа во претпријатието.
Новиот директор по професија е економиста и веќе 18 години работи во Јавното претпријатие „Водовод“ како раководител во Одделението за наплата. Тој функцијата ја преземал во четвртокот.
„Договорот ми е на 6 месеци. И во наредниот период ќе го задржиме континуитетот во работењето во делот на квалитетно и навремено водоснабдување на граѓаните, како и во функционирањето на претпријатието“ - изјави Стојмановски за Кумановоњуз.
Стојмановски еден мандат беше советник во Советот на Општина Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk