Операта „Рита“ вечерва во Центарот за култура во Куманово

Во големата сала на Центарот за култура во Куманово вечерва со почеток од 20 часот ќе гостува Македонската опера и балет со операта „Рита“ од италијанскиот оперски композитор Гаетано Доницети, диригент Aндреј Наунов, во режија на Трајко Јордановски.

 

Станува збор за комична опера од Доницети, приказна за млада и убава девојка која е вплеткана во интригите на брачните недоразбирања кои завршуваат со среќен крај.

Во операта играат: Ана Ројдева како Рита, Јане Дунимаглоски како Бепе, Васко Здравков како Гаспаро, Борко Биџовски како Бартоло. Инспициенти се Љупчо Полизов, Драган Костадиновиќ и Марко Павлевски.

 Времетраење на операта е 75 минути, а билтетите за истата се продаваат на билтерата во Центар за култура по цена од 150 денари.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk