Општина Куманово продолжува со унапредување на регулативата за заштита на ромската заедница

Претставници на Мрежата за системски и трајни решенија за ромската заедница во РСМ, составена од 12 ромски невладини организации и здруженија и Центарот за ромска заедница “Дром”-Куманово,заедно со претставници од општината,  го одбележаа 8 Април– Меѓународниот  ден на Ромите, посветен на историјата и културата на оваа етничка заедница.

 На настанот беше прикажан документарен филм за историјата на Ромите и  се дискутираше на темата” Ромите вчера, денес и утре”.

„Општина Куманово ќе продолжи во насока на унапредување на  регулативата за заштита од дискриминација на припадниците на ромската етничка заедница, кои имаат реални потреби во областа на образованието, домувањето, вработувањето и здравството“, истакна Ивана Ѓорѓиевска, претседателка на Советот на Општина Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk