Општината ќе избира бренд на градот?

Општина Куманово ќе избира кумановски бренд по мислење на граѓаните.

Изборот ќе се организира на крајот на годината, а ќе го врши Секторот за локален економски развој, кој ќе ги утврди критериумите за учество.

 Во нашата програма предвидено е да има избор на кумановски бренд. Што точно ќе значи бренд треба да додефинираме и да направиме правилник или критериуми. Мислам дека оваа година ќе биде како избор на најдобар претприемач. Добро би било да вклучиме некои локални портали каде би можело да се гласа. На тој начин ќе го имаме мислењето на граѓаните - вели Зоран Павловски, раководител на секторот.

На почетокот на минатата година Општината организираше избор на најдобра фирма во градот. На прогласувањето се најавуваше дека манифестацијата ќе стане традиционална, но оваа година изостана. Организаторите се правдаат дека одржувањето изостанало од оправдани организациони причини. За најуспешни фирми лани беа прогласени Екста-мени, Мега и Евро-колеџ.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk