Зачленете се во нашиот клуб на читатели и најновите текстови ќе ги добивате на вашата мејл адреса
Општината Куманово продаде шест парцели неизградено градежно земјиште за 120 илјади евра.
Земјиштето го купиле приватни фирми и физички лица за изградба на стамбени згради, фабрики и трговски центар.
Три парцели се продадени на булеварот „Октомвриска револуција„, во близина на „Мај маркет„ и на нив ќе се градат стамбени згради. Две парцели се за изградба на фабрики за лесна незагадувачка индустрија во индустриската зона Речица и една на влезот на градот, на улицата „11 Октомври„ на која треба да се гради трговски центар, -вели секретарот на Општината Валентина Алексовска.
Продажбата на парцелите е извршена вчера на јавно надавање, а купопородажните договори ќе се склучат откако ќе помине рокот за жалби и купувачите ќе ги уплатат потребните средства. Од 120 иљади евра, 20 проценти ќе отидат во државниот буџет а останатите во општинската каса.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk